Контактная информация

an image
678230, Республика Саха (Якутия), Верхневилюйский улус (район),
село Верхневилюйск,
ул. Молодежная, д.№3,
tel: 8-411-33-4-17-48,
web-site: http://vvproftex10.ru
e-mail: verpl10@yandex.ru

Рекламный блок

Locations of visitors to this page
Статистика посещений сайта

Татьянин день


Техникум Студент кyнyн бэлиэтиир

Тохсунньу 25 кyнyгэр биhиги техникуммут Студент кyнyн П.Н. Тобуруокап аат. Култуура киинигэр киэн далааhыннаахтык бэлиэтээтэ.

Бу кyн историятын кыратык ахтан ааhар буоллахха, 1755 сыллаахха Сибэтиэй Татыйаана кyнyгэр yрдyк сололоох Елизавета императрица Москватаа5ы университет аhыллыытын туhунан ыйаах таhаарбыта. Онтон ыла тохсунньу 25 кyнэ студеннар кyннэринэн бэлиэтэнэр буолбута, то5о диэтэххэ, бу кyнyнэн бастакы сессия тyмyктэнэр - студеннар каникуллара са5аланар. Россия5а бу кyн президент уураа5ынан 2005 сылтан бэлиэтэнэр.

Тэрээhин са5аланыыта студеннар группаларынан парадтаан киирбиттэрин кэннэ техникум дириэктэрэ Матрена Васильевна Осипова студеннары э5эрдэлээтэ, маны таhынан, yeрэх сылын бастакы анарын ситиhиилэрин, тyмyктэрин туhунан билиhиннэрдэ. Сыл тyмyгyнэн бастын студеннары ааттаталаата, инники былааннары иhитиннэрдэ.

Тэрээhин иккис чааhынан техникум студеннарын уонна yлэhиттэрин кyyнyнэн туруоруллубут кэнсиэр кeрeeччy сэнээриитин ылыан ылла. Манна кeрдeeх-нардаах эгэ-дьэгэ сценкалар, туруорааччы режиссер Агния Андреевна Овчинникова, эрчимнээх-тэтимнээх yнкyyлэр, туруорааччы Виктор Викторович Васильев, солистар, кэскиллээх ырыаhыттар Илья Кононов, Валерий Чоросов, Стас Дмитриев, Юрий Степанов, Влад Саввинов, Прокопий Осипов ытыс тыаhынан до5уhуоллатан кeрeeччy сэнээриитин ыллылар. Кэнсиэр "Эдэр саас гимнинэн" тyмyктэннэ.

Онтон эдэр-эрчимнээх уоттаах-кyeстээх атах элэйэр дискотеката студеннарга ананна. Ити курдук Студент кyнyн биhиги техникуммут бэлиэтээтэ.